1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMashariki ya Kati

Khamenei asema hakuna chohote kibaya na mpango wa nyuklia

Bruce Amani
11 Juni 2023

Kiongozi wa juu wa Iran Ayatollah Ali Khamenei amesema kuwa mpango wa nchi hiyo na nchi za Magharibi kuhusu shughuli za nyuklia za Tehran unawezekana kama miundo mbinu ya nyuklia ya nchi hiyo itasalia kuwa kama ilivyo.

https://p.dw.com/p/4SRmO
Iran Ali Khamenei Rede
Picha: Tasnim

Hayo ni wakati kukiwa na mkwamo kati ya Tehran na Washington wa kuufufua muafaka wa nyuklia wa mwaka wa 2015.

Soma pia: IAEA yatatua masuala ya nyuklia na Iran

Khamenei amesema hakuna chochote kibaya na makubaliano na nchi za Magharibi lakini miundo mbinu ya sekta ya nyuklia ya nchi hiyo haipaswi kuguswa. Amesema tuhuma kuwa Tehran inatengeneza silaha za nyuklia ni za uwongo.

Khamenei ameongeza kuwa hawataki silaha za nyuklia kwa sababu ya imani zao za kidini.

Miezi kadhaa ya mazungumzo yasiyo ya moja kwa moja kati ya Tehran na Washington ya kuyafufua makubaliano hayo ya Nyuklia na madola sita yenye nguvu duniani yamekwama tangu Septemba, huku pande zote zikimtuhumu mwenzake kwa kuweka masharti yasiyowezekana.