Kenya yamkamata mshukiwa wa mauaji ya makumi ya watu

Mkurugenzi wa kitengo cha kuchunguza matukio ya uhalifu Mohammed Amin amewaambia waandishi habari kwamba mshukiwa mkuu wa tukio hilo la kutisha alikamatwa leo asubuhi.

Amemtaja mshukiwa huyo kama muuaji anayepanga kuwaua watu na mbaye hajali uhai wa binadamu. Polisi imesema mshukiwa huyo amekiri kuwauwa wanawake 42.

Kaimu Mkuu wa jeshi la polisi la Kenya Douglas Kanja amesema kuwa miili sita ya kwanza ilipatikana Ijumaa, na miili mingine ilipatikana jana Jumamosi. Kanja ametoa wito kwa wananchi kuonesha ushirikiano ili kufanikisha kuwapata wahusika wa unyama huo na kuwafikisha mbele ya vyombo vya sheria.