Katibu Mkuu wa Umoja wa Mataifa azuru Somalia

Guterres alikaribishwa kwa heshima na Waziri wa Mambo ya Nje Abshir Omar Huruse katika uwanja wa ndege wa Somalia, ambako ulinzi umeimarishwa kwa kuwekwa vizuizi vikali, kuanzia kufungwa barabara hadi kwenye usafiri wa umma.

Ziara ya Guterres inafanyika wakati taifa hilo likiwa katikati ya mzozo uliosababishwa na ukame mbaya kabisa unaotishia baa la njaa, huku serikali ikipambana vikali kuusambaratisha mashambulizi ya kigaidi.

Katibu Mkuu huyo aliyezuru Somalia Machi 2017,  anatarajiwa kufanya mazungumzo na viongozi wa kisiasa na kuzuru kambi ya wakimbizi wa ndani, hii ikiwa ni kulingana na vyombo vya habari vya nchini humo.