Mzozo wa corona unakaribia kuwa mzozo wa haki za binadamu

Katibu Mkuu huyo amesema katika ujumbe alioutoa kwa njia ya vidio leo, kwamba kuna ubaguzi katika utoaji wa huduma za umma kukabiliana na ugonjwa wa covid-19, na kuzungumzia pia ukosefu wa usawa wa kimuundo ambao unazuwia upatikanaji wa huduma hizo.

Guterres amesema janga la corona limesababisha pia athari zisizolingana kwa baadhi ya jamii, kuongezeka kwa matamshi ya chuki, kulengwa kwa makundi ya walio hatarini, na kusababisha hatari ya matumizi ya nguvu iliyopitiliza kwa upande wa idara za usalama, hali inayoodhofisha hatua za kiafya.