Gündogan ajiunga na Barcelona kutoka Man City

Taarifa kutoka kwa klabu hiyo ya Uhispania zinasema Gündogan mwenye umri wa miaka 32 amejiunga na Barca kwa mkataba wa miaka miwili na mkataba huo utakapokwisha kutakuwa na uwezekano wa kumuongezea mkataba kwa mwaka mmoja zaidi.

Barcelona imesema mkataba wake una kipengee kitakachoipelekea klabu inayotaka kumnunua kulipa yuro milioni 400. Gundogan ambaye ni raia wa Ujerumani, ameondoka Manchester City baada ya kuiongoza klabu hiyo kushinda makombe matatu msimu uliopita, Ligi Kuu ya England, FA Cup na Ligi ya Mabingwa Barani Ulaya Champions League.

"Imekuwa ni fahari kubwa sana kuwa sehemu ya Manchester City kwa miaka saba iliyopita," alisema Gündogan, "Manchester imekuwa nyumbani kwangu na nimejihisi kama sehemu ya familia ya kipekee katika klabu hiyo."