Scholz: idadi ya wakimbizi imezidi sana Ujerumani

Serikali ya Berlin tayari imeanzisha ukaguzi wa mpaka na Poland na Jamhuri ya Czech. Katika mahojiano yake yaliyosambazwa leo hii amesema serikali yake ipo katika juhudi ya kuzuia uhamiaji haramu kwa kuimarisha udhibiti mipakani.Amesema idadi ya wakimbizi wanaojaribu kuingia Ujerumani ni kubwa mno kwa sasa na kuongeza kuwa zaidi ya asilimia 70 ya wahamiaji hawana rekodi za usajili, ingawa karibu wote wamekuwa katika nchi nyingine ya Umoja wa Ulaya.Kansela Scholz ametoa matamshi hayo huku kukiwa na kashfa ya rushwa katika mchakato wa utoaji visa nchini Poland na majaribio katika Umoja wa Ulaya kufanikisha sera ya uhamiaji ya jumuiya nzima, pamoja na hali ya ndani ya Ujerumani ya kutokuwa na sera ya maridhiano kuhusu uhamiaji.