EU na Marekani zashindwa kutatua migogoro ya kibiashara

Rais wa Marekani Joe Biden amekutana na Rais wa Halmashauri ya Umoja wa Ulaya Ursula von der Leyen na Rais wa Baraza la Umoja huo Charles Michel katika mkutano wa kilele uliofanyika jijini Washington jana Ijumaa.

Viongozi hao walikutana kwa lengo la kujadili ushirikiano kwenye teknolojia mpya na muhimu, ikijumuisha miundombinu ya kidijitali na teknolojia ya akili bandia pamoja na masuala ya sera ya kibiashara. Hata hivyo viongozi hao walishindwa kutatua mizozo mikubwa ya kibiashara kati yake.

Duru zinasema pande zote mbili hazikuweza kukubaliana juu ya jinsi gani hasara za kiushindani kwa wasafirishaji wa ulaya wa chuma na alumini  kwenye soko la Marekani, zinaweza kuondolewa kwa muda mrefu.

Mazungumzo hayo muhimu pia yalitawaliwa na mzozo unaoendelea huko Gaza pamoja na uvamizi wa Urusi nchini Ukraine.