1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Michezo ya Olimpiki ya Paris 2024Maandamano KenyaMzozo wa Israel na Hamas
MichezoUjerumani

DFB yataka ujumbe wa wazi baada ya matusi dhidi ya Moukoko

Deo Kaji Makomba
19 Oktoba 2020

Shirikisho la soka nchini Ujerumani (DFB) linatumai kupata ujumbe wa wazi kutoka katika mahakama inayohusika na masuala ya michezo baada ya matusi mazito aliyoporomoshewa nyota chipukizi wa timu ya Borussia Dortimund

https://p.dw.com/p/3k988
U19 Bundesliga | FC Schalke 04 v Borussia Dortmund - Youssoufa Moukoko
Mshambuliaji wa kikosi cha vijana chini ya umri wa miaka 19 cha Borussia Dortimund, Borussia DortimundPicha: Maik H./Team2/Imago Images

"Matusi dhidi ya Youssoufa Moukoko hayavumiliki na ni kweli kabisa haikubaliki," rais wa shirikisho la kandanda la Ujerumani Kaskazini (NFV) Guenter Distelrath alisema Jumatatu. Distelrath pia ni Makamu wa Rais wa shirikisho la soka la Ujerumani, DFB, anayehusika na mambo ya kupinga ubaguzi.

"Ningefurahi ikiwa mamlaka huru ya michezo pia itatuma ujumbe wazi, "Distelrath alisema.

Mwakilishi wa ujumuishaji wa DFB Cacau pia alijibu kwa kufadhaika. "Hiyo haiwezekani. Ninailaani vikali," aliliambia Shirika la habari dpa. "Inasikitisha kila wakati, wakati kitu kama hiki kinatokea. Inahisi mambo kama haya yamekuwa yakitokea mara nyingi zaidi katika miaka iliyopita.

"Tusioneshe upinzani mbele ya umma huu. Ikiwezekana mimi nafikiria kila wakati ni bora kuwatambua na kuwapiga marufuku viwanjani badala ya kusimamisha mchezo."

Wakati wa mchezo wa watani wa jadi chini ya umri wa miaka 19 kati ya Schalke na Dortmund Jumapili iliyopita, Moukoko alikuwa akitukanwa mara kadhaa na mashabiki wa Schalke baada ya kufunga mabao matatu. Matusi hayo yangeweza kusikika katika matangazo ya moja kwa moja ya mchezo ulioshindwa na Dortmund 3-2.

Baada ya mechi hiyo, Schalke iliomba radhi kwa tabia ya mashabiki wake ikiwa ni pamoja na hashtag ya 'Hapana Kwa Ubaguzi' katika chapisho lao kwenye mtandao wa kijamii wa Twitter. Klabu pia ilisema wanatarajia kutambua mashabiki na kuchukua hatua muhimu. "Ninajivunia kuzaliwa na rangi hii ya ngozi, na nitafanya hivyo kila wakati Jivunie lBlackLivesMatter, "Moukoko aliandika kwenye mtandao wake wa mtandao wa kijamii wa Instagram.