China yamuonya Spika wa Marekani kuhusu Rais wa Taiwan

McCarthy atakutana na Tsai kesho Jumatano mjini Los Angeles jimboni Carlifornia wakati atakapopitia Marekani akiwa njiani kurejea nyumbani Taiwan baada ya ziara yake ya Amerika ya Kaskazini.

Soma pia: Rais wa Taiwan awasili Amerika ya Kati akitafuta ushirika zaidi

China imeghadhabishwa na hatua hiyo na imetahadharisha kwamba mkutano kati ya McCarthy na Tsai hautasaidia amani na uthabiti wa kikanda bali utawaunganisha umma wa China dhidi ya adui mmoja.

Ubalozi mdogo wa China mjini Los Angeles umesema Tsai anafanya mazungunzo rasmi na sio sahihi kusema anapitia tu Marekani.

Ubalozi huo umeongeza kusema mkutano kati ya McCarthy na Tsai haufai kwa amani, usalama na uthabiti wa kikanda na wala si wa masilahi ya watu wa China wala Marekani.