China: Marekani yakiuka kanuni za uchumi wa soko na sheria

Wizara ya Mambo ya Nje ya China imesema Marekani inakwenda kinyume na kanuni za uchumi wa soko na sheria za kibiashara za kimataifa kwa zingatio la kuwapiga marufuku raia wa China kununua mali zisizohamishika nchini Marekani.

Akizungumza na waandishi wa habari katika utaratibu wake wa kawaida, msemaji wa wizara hiyo Mao Ning amesema kimsingi dhana ya kile kinachoelezwa kuwa ni usalama wa taifa na kuingiza siasa katika masuala ya kiuchumi na uwekezaji kunaleta matokeo hayo ya ukiukwaji.

Msemaji Mao alikuwa akijibu swali kuhusu mipango ya majimbo ya Texas na Florida yenye kuzingatia kupiga marufuku raia wa China kununua mali.