1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAngola

Biden aahidi dola milioni 600 kwa mradi wa reli Afrika

Tatu Karema
5 Desemba 2024

Rais wa Marekani Joe Biden ameahidi dola nyingine milioni 600 kwa ajili ya mradi mkubwa wa reli kati ya mataifa kadhaa ya Afrika kama moja ya hatua zake za mwisho za sera ya kigeni ya utawala wake.

https://p.dw.com/p/4nnYG
Angola | Luanda 2024 | Lourenco | Biden
Rais wa Marekani Joe Biden akitembea na Rais wa Angola Joao Manuel Goncalves Lourenco baada ya kuwasili katika Ikulu ya Rais mjini Luanda.Picha: Elizabeth Frantz/REUTERS

Rais huyo wa Marekani amewaambia viongozi wa Afrika kwamba bara hilo limeachwa nyuma kwa muda mrefu.

Biden pia alifanya ziara kwenye mradi wa reli wa Lobito na kuutaja kama uwekezaji mkubwa zaidi wa treni wa Marekani nje ya nchi hiyo.

Soma pia:Biden amsamehe mwanawe Hunter mashtaka ya jinai 

Viongozi wa Afrika waliokutana na Biden hapo jana, walisema reli hiyo inazipa nchi zao njia ya haraka zaidi ya kusafirisha madini na bidhaa, pamoja na kuyafikia kwa urahisi masoko ya Magharibi.

Rais wa Jamhuri ya Kidemokrasia ya Kongo Felix Tshisekedi, ambaye nchi yake ina zaidi ya asilimia 70 ya madini ya kobalti duniani, amesema mradi huo umeongeza matumaini kwa mataifa yao na kanda nzima na kuongeza kuwa hatua hiyo ni msukumo wa mabadiliko ya kiuchumi na kijamii kwa mamilioni ya watu wao.