Azimio la kupinga mzingiro wa mji wa Al-Fashir kupigiwa kura

Mji huo umezingirwa na vikosi vya wanamgambo wa RSF vinavyopigana na jeshi la Sudan kuwania madaraka ya nchi hiyo.

Rasimu ya azimio hilo ambayo shirika la habari la Reuters imeiona, inatoa mwito pia wa kusitisha mara moja mapigano, kukomesha makabiliano ndani na kwenye viunga vya mji huo pamoja na kuondoka kwa wapiganaji wote wanaotishia usalama wa raia. Uingereza imependekeza kura hiyo ipigwe leo mchana.

Azimio lenyewe litahitaji angalau kura 9 za kuliunga mkono na bila kuwepo kura ya turufu ya kulipinga kutoka miongoni mwa nchi tano wanachama wa kudumu wa Baraza la Usalama.