ANC na DA vyakubaliana kuunda serikali Afrika Kusini

Serikali hiyo ya muungano pia itavihusisha vyama vya Inkatha Freedom Party na Patriotic Alliance.

Taarifa hii ni kwa mujibu wa shirika la utangazaji la Afrika Kusini, SABC. Shirika hilo la utangazaji limesema kwa mujibu wa makubaliano hayo, chama cha DA kitachukua nafasi ya Naibu Spika wa Bunge. 

ANC: Makubaliano ya kuunda serikali ya umoja wa kitaifa yamepatikana

Bunge la Afrika Kusini linakutana hii leo kumchagua Rais pamoja na spika na naibu wake, kufuatia uchaguzi mkuu wa Mei 29, ambamo kwa mara ya kwanza chama tawala cha ANC kilishindwa kupata wingi wa kujitosheleza kuunda serikali kivyake.