Aliyekuwa kiongozi Pakistan Pervez Musharraf kuzikwa leo

Hayati Musharraf aliaga dunia baada ya kuugua kwa muda mrefu. Wakati wa uongozi wake alikuwa mshirika wa Marekani katika vita vya kupambana na ugaidi.

Licha ya kutotolewa tamko rasmi juu ya mazishi yake, maafisa wa kijeshi ambao hawakutaka kutajwa wamesema Musharraf anatarajiwa kuzikwa leo mjini Karachi.

Musharaf alitwaa mamlaka mnamo mwaka 1999  bila ya umwagaji  damu na kwa wakati mmoja alivaa kofia za mkuu wa jeshi na rais wa nchi. Musharraf alisimamisha katiba ya nchi mara mbili na alilaumiwa kwa kuchakachua matokeo ya kura ya maoni.