1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
JamiiUswidi

Aliyechoma Quran nchini Sweden auawa kwa risasi

30 Januari 2025

Mwanaume mmoja raia wa Iraq aliyefanya matukio kadhaa ya kukichoma moto hadharani kitabu kitukufu kwa Waislamu, Quran, nchini Sweden amepigwa risasi na kuuawa karibu na mji mkuu wa nchi hiyo, Stockholm.

https://p.dw.com/p/4pogB
Picha ya Kitabu cha Quran
Mtu aliyechoma Kitabu Kitakatifu cha Quran auawa nchini Sweden Picha: Sobhan Farajvan/Pacific Press/picture alliance

Salwan Momika ambaye alikuwa mkimbizi kutoka Iraqi na mwanaharakati anayeupinga Uislamu ameuawa saa chache kabla ya kufika mahakamani kusikiliza hukumu juu ya kesi iliyokuwa ikimkabili kuhusiana na matendo yake ya kuichoma moto Quran.

Mwaka 2023 mwanaume huyo alifanya matukio kadhaa ya kuzichoma moto na kuzinajisi nakala za Quran katika kile alichosema kuwa ni kuilinda jamii ya Sweden dhidi ya mafundisho ya kitabu hicho cha kidini.

Matendo yake yalizusha ghadhabu na ukosoaji kutoka mataifa mengi ya Kiislamu na wakati mwingine mamia ya watu waliandamana kulaani matukio hayo. Polisi imesema watu watano wamekamatwa kuhusiana na mauaji hayo.