1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Mali ta yanke alakar diflomasiyya da Ukraine

Fauziyya Dauda
August 5, 2024

Kasar Mali ta ce ta yanke alakar diflomasiyya da Ukraine nan take, bayan ta zargi Ukraine din da hannu wajen hallaka dakarunta.

https://p.dw.com/p/4j6tc
Hoto: French Army /AP/picture alliance

Wannan matakin na zuwa ne bayan kalaman da wasu jami'an Ukraine suka furta, sakamakon kazamin fadan da ya barke a arewacin Mali, wanda ya yi sanadin rayukan dakarun Mali da kuma mayakan sojin hayan Rasha na Wagner da dama a karshen watan Yuli. Gwamnatin Mali ta nuna kaduwarta kan sanarwar kakakin hukumar leken asirin Ukraine, Andriy Yusov da ke cewa, Ukraine na da hannu dumu-dumu wajen taimaka wa 'yan tawaye kai harin.

Karin bayani: An kashe sojojin hayar Rasha da dama a Mali

An kwashe tsawon kwanaki ana musayar wuta a sansanin sojin Tinzaouaten da ke kan iyakar Mali da Algeria a ranar 25 ga watan Yuli. 'Yan awaren kabilar Taureg sun ce sun kashe dakarun Mali 47 da kuma mayakan Wagner 84.