Jam'iyyar APC na fuskantar babban kalubale

A na iya cewa har ya zuwa wannan lokaci na bayan kammala tsayar da 'yan takara na shugabancin kasa a Najeriya da ma a matakai na jihohi, zuwa ga 'yan majalisu, kawuna na rarrabe a jam'iyyar APC, kuma a wasu jihohin irin su Zamfara ana ma hasashen yiwuwar tafiya zaben ba tare da 'yan takara a zaben gwamna da kuma 'yan majalisar dattawa da na wakilai ba. Sai dai kuma taron gwamnonin na APC da Shugaba Muhammadu Buhari, ya kasance wata babbar dama ta neman dinke baraka da kuma samun mafita.