1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Isra'ila da Hezbollah sun kai wa junansu hari

Fauziyya Dauda
February 14, 2024

Rundunar sojin Isra'ila ta ce jami'inta daya ya mutu a wani harin roka da aka harbo daga Lebanon yayin da ita ma Lebanon ta yi ikrarin cewa an kashe mata fararen hula.

https://p.dw.com/p/4cPEx
Jami'an sojin Isra'ila
Hoto: ARIS MESSINIS/AFP

Hukumomin Lebanon sun ce fararen hula uku da wani dan kungiyar Hezbollah sun mutu a wasu jerin hare-hare da Isra'ila ta kaddamar. Rundunar ta ce, harin da Lebanon ta kaddamar ya rutsa da Sajan Omer Sarah Benjo a arewacin Isra'ila. Ta kuma kara da cewa, an kai hare-hare ta sama kan yankunan da mayakan suke a kudancin Lebanon din.

Karin bayani:  Fargabar yaki tsakanin Isra'ila da Lebanon

Yayin da babu wanda ya dauki alhakin kai harin rokar, Ana fargaba musayar wuta tsakanin bangarorin biyu ka iya fadada rikici tsakanin Isra'ila da kuma mayakan Hezbolla da ke samun goyon bayan Iran.

Shugaban rundunar sojin Isra'ila, Herzi Halevi ya ce za su zafafa mataki na gaba inda za su yi amfani da dukannin kayan aiki kana su hada karfi da karfe; ya na mai ikrarin kungiyar Hezbolla zata girbi abun da ta shuka. A nashi bangaren, shugaban kungiyar ya yi ikrarin cewa ba za su dakatar da bude wuta daga kudancin Lebanon ba har sai an cimma yarjejeniyar tsagaita bude wuta a Zirin Gaza.