1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

بھارت: نرملا سیتارامن نئی وزیر خزانہ، جے شنکر وزیر خارجہ

31 مئی 2019

منصب وزارت عظمیٰ سنبھالنے کے بعد نریندر مودی نے اپنی کابینہ کو تشکیل دے دیا ہے۔ نئی کابینہ میں اہم تبدیلیاں کی گئی ہیں۔ نئی وزیر خزانہ کے انتخاب پر کاوباری حلقوں نے حیرانی ظاہر کی ہے۔

https://p.dw.com/p/3JYS8
Indien Biplab Kumar Deb Chief Minister Bundesstaat Tripura
تصویر: Getty Images/AFP/A. Dey

بھارتی وزیراعظم نریندر مودی نے اپنا منصب سنبھالنے کے بعد ارون جیٹلی کی جگہ نرملا سیتا رامن کو نیا وزیر خزانہ مقرر کیا ہے۔ سیتارامن سابقہ مودی حکومت میں وزیر دفاع تھیں۔ نئی وزیر خزانہ، نریندر مودی کی پہلی حکومت میں کچھ عرصے کے لیے کامرس اور خزانہ امور کی وزیر مملکت بھی رہی تھیں۔

بھارت کی مقتول وزیراعظم اندرا گاندھی کے بعد نرملا سیتارامن بھارت کی وزیر خزانہ بننے والی دوسری خاتون ہیں۔ یہ حسن اتفاق ہے کہ سیتارامن بھارت کی دوسری خاتون وزیر دفاع بھی تھیں اور اُن سے قبل اندرا گاندھی نے یہ منصب سنبھالا تھا۔ انسٹھ برس کی سیتارامن کا تعلق تامل ناڈو سے ہے۔

Indien Finanzminister Arun Jaitley Haushalt 10.7.2014
نئی وزیر خزانہ نرملا سیتا رمن سن 2014 میں اُس وقت کے وزیر خزانہ ارون جیٹلی کے ہمراہ بطور وزیر مملکتتصویر: picture-alliance/dpa

کاروباری اور سیاسی حلقوں کے مطابق نرملا سیتارامن کو بھارتی وزیراعظم کا اعتماد ضرور حاصل ہے لیکن اُن کا سیاسی قد کاٹھ ارون جیٹلی جیسا نہیں ہے۔ دوسری جانب بھارتیہ جنتا پارٹی کے حلقوں کا کہنا ہے کہ سیتارامن معاشیات کا علم رکھتی ہیں اور یقینی طور پر وزیراعظم کی امیدوں کے مطابق ایک کامیاب وزیر خزانہ ثابت ہوں گی۔

بعض بھارتی حلقے پیوش گوئل کو نیا وزیر خزانہ دیکھنا چاہتے تھے۔ ارون جیٹلی کی علالت کے دوران سابقہ مودی حکومت میں انہوں نے کم از کم دو مرتبہ ملکی بجٹ پیش کیا تھا۔ گوئل پیشے کے اعتبار سے چارٹرڈ اکاؤنٹینٹ ہیں۔ ان حلقوں کا کہنا ہے کہ سیتارامن کا سب سے اہم ٹارگٹ بھارت اور امریکا کے درمیان تناؤ کے شکار تجارتی تعلقات کو بہتر بنانا ہے۔ مودی نے پیوش گوئل کو نیا وزیر ریلوے مقرر کیا ہے۔

Indien Treffen des indischen und des pakistanischen Außenministers in Neu-Delhi
نئے بھارتی وزیر خارجہ ایس جے سنکر نے سن 2016 میں پاکستان کا دورہ کیا تھاتصویر: Getty Images/AFP/P. Sing

منجھے ہوئے بھارتی سیاستدان ارون جیٹلی نے علالت کے باعث کابینہ میں شامل ہونے سے معذوری ظاہر کی ہے۔ اسی طرح سشما سوراج کو بھی صحت کے مسائل کا سامنا ہے۔ اُن کی جگہ خارجہ امور کے سابق سیکرٹری ایس جے شنکر کو نئے وزیر خارجہ ہوں گے۔ جے شنکر امریکا اور چین میں بھارت کے سفیر بھی رہ تھے۔

جے شنکر سن 2017 میں بھارت اور چین کے درمیان سرحدی تنازعے کے دوران کلیدی مذاکرات کار تھے۔ انہیں نریندر مودی کا قابل اعتماد مشیر خیال کیا جاتا ہے۔ مبصرین کے مطابق جے شنکر یقینی طور پر پاکستان کے ساتھ خراب تعلقات کو بہتر بنا سکتے ہیں۔ وہ نریندر مودی کے پہلے دورِ حکومت میں پاکستان کا دورہ بھی کر چکے ہیں۔ اسی طرح امریکا کے ساتھ سن 2008 کی جوہری ڈیل کو حتمی شکل دینے میں بھی اُن کاوشوں کو سراہا گیا تھا۔

بھارتیہ جنتا پارٹی کے سربراہ امِت شاہ کو وزیر داخلہ بنانے کا فیصلہ کیا گیا ہے۔ مودی کی پچھلی حکومت کے وزیر داخلہ راج ناتھ سنگھ نئی کابینہ میں وزارت دفاع کے نگران ہوں گے۔

میڈیا پر بڑھتا کنٹرول