ایسپرن پھیپڑوں کے کینسر کےامکانات کم کرنے میں مددگار

اس تحقیق سے یہ بھی معلوم ہوا ہے کہ اس بات سے فرق نہیں پڑتا کہ آپ نے کبھی تمباکو نوشی کی ہے یا نہیں۔ ایسپرن کھانے سے پھیپڑوں کے کینسر کے امکانات کم ہو جاتے ہیں۔

یہ نئی تحقیق ’لنگ کینسر‘ نامی جریدے میں شائع ہوئی ہے۔ خیال رہے کہ بہت سے محققین یہ کہتے ہیں کہ ایسپرن اور پھیپڑوں کے کینسر کا براہ راست کوئی تعلق نہیں ہے۔ تاہم نئی تحقیق ان پرانی تحقیقات سے رجوع کرتی ہے جن کے مطابق ایسپرن کا استعمال کئی طرح کے کینسر، جیسا کہ آنتوں کے کینسر میں مبتلا ہونے کے امکانات کم کرنے میں مدد کرتی ہے۔

اس تحقیق سے وابستہ نیشنل یونی ورسٹی آف سنگاپور کے وائی ین لم کہتے ہیں، ’’ہمارے نتائج بتاتے ہیں کہ ایسپرن کھانے سے ایشیائی خواتین میں پھیپڑوں کے کینسر کا شکار ہونے کے امکانات کم ہو جاتے ہیں۔‘‘ تاہم ان کا کہنا تھا، ’’یہ بات ابھی حتمی طور پر نہیں کہی جا سکتی کہ ایسپرن کینسر کو روک بھی سکتی ہے یا نہیں۔‘‘

اس تحقیق کے لیے تین سو اٹھانوے چینی خواتین پر تجربہ کیا گیا۔ یہ خواتین پھیپڑوں کے کینسر کے عارضے میں مبتلا تھیں۔ اس کے علاوہ آٹھ سو چودہ نارمل خواتین پر تجربہ کیا گیا۔ لم کی ٹیم کا معلوم ہوا کہ وہ خواتین جو ایک ماہ یا اس سے زیادہ عرصے کے لیے ہفتے میں کم از کم دو بار ایسپرن کا استعمال کرتی ہیں وہ لنگ کینسر کا شکار کم ہوتی ہیں۔

محققین کا کہنا ہے کہ کینسر کے خلاف ایسپرن کے تحفظ دینے کی وجوہات ہیں۔ ایسپرن سی او ایکس ٹو نامی اینزائم کو روکتی ہے، جو ہائی لیول ٹیومرز کا سبب بنتا ہے۔

(ss/at (Reuters