1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaAfrika

Zaidi ya watu 100,000 wakimbia makaazi yao Kongo

Mohammed Khelef
8 Januari 2025

Umoja wa Mataifa unasema mapigano katika eneo la mashariki mwa Jamhuri ya Kidemokrasia ya Kongo yamepelekea zaidi ya watu 100,000 kugeuka wakimbizi ndani ya wiki moja tu iliyopita.

https://p.dw.com/p/4ova9
Hali kwenye mji wa Masisi Kati ambao umetwaliwa na M23.
Hali kwenye mji wa Masisi Kati ambao umetwaliwa na M23.Picha: AUBIN MUKONI/AFP

Kwa mujibu wa Umoja wa Mataifa, baina ya tarehe 1 na 3 Januari, mapigano makali kati ya jeshi na waasi wa M23 katika mji Masisi Kati, jimbo la Kivu Kaskazini, yamewahamisha makwao watu 102,000.

Wizara ya mambo ya nje ya Rwanda inadai kuwa eneo lililotwaliwa na waasi wa M23 hivi karibuni lilikuwa kwenye mikono ya wanamgambo wa Kihutu, FDLR, wanaohusishwa na mauaji ya kimbari ya mwaka 1994 dhidi ya Watutsi nchini Rwanda.

Soma zaidi: Wanne wauawa, 25 wajeruhiwa kwa mabomu ya M23

Kwenye taarifa yake, Waziri wa Mambo ya Kigeni wa Rwanda, Olivier Nduhungirehe, alilaani ukosoaji wa jamii ya imataifa ambayo alisema haikuwahi kulaani kuvamiwa kwa mamlaka ya ardhi ya Kongo inayomililiwa na jamii za Wakongo, wakiwemo Watutsi wa Kikongo.