1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Maandamano KenyaMzozo wa Israel na HamasKivuli cha Ukoloni wa Ujerumani
Afya

WHO yataka uwekezaji zaidi kwenye chanjo ya kipindupindu

16 Agosti 2024

Mkuu wa Shirika la Afya Ulimwenguni, WHO ametoa wito wa kuongezwa uzalishaji wa chanjo ya kipindupindu, akiangazia kile alichokielezea kuwa upungufu mkubwa kabisa wa chanjo hiyo uliwenguni.

https://p.dw.com/p/4jWsv
WHO - Tedros Ghebreyesus
Mkurugenzi Mkuu wa Shirika la Afya Ulimwenguni, WHO Tedros Adhanom Ghebreyesus ameomba uzalishaji zaidi wa chanjo dhidi ya kipindupinduPicha: Lian Yi/Xinhua/picture alliance

Mkurugenzi Mkuu wa WHO Tedros Adhanom Ghebreyesus amesema kupitia ukurasa wa X kwamba, visa 307,433 vya kipindupindu na vifo 2,326 vimeripotiwa katika mataifa 26 hadi Julai 28, ingawa udhibiti wake unazidi kuathiriwa na upungufu mkubwa wa chanjo.

Nchi 18 zimeagiza dozi milioni 105 tangu mwezi Januari, lakini ni dozi milioni 55 tu zilizotengenezwa.

Ghebreyesus amehimiza uwekezaji zaidi utakaosaidia kuongeza uzalishaji wa chanjo lakini pia kuhakikisha upatikanaji wa maji safi na usafi kwa ujumla ili kuzuia milipuko zaidi ya kipindupindu.