Watu wanne wauawa kwa risasi karibu na msikiti Oman

Hili ni tukio la nadra la uvunjifu wa usalama katika moja ya nchi zenye utulivu huko Mashariki ya Kati. Polisi wamesema hatua zote za usalama zimechukuliwa ili kuidhibiti hali hiyo, na kwamba uchunguzi umeanzishwa.

Ubalozi wa Marekani katika mji mkuu Muscat umesema unafuatilia kwa karibu tukio hilo la ufyatuaji risasi na kuwataka raia wake kuwa makini na kuzingatia maelekezo yanayotolewa na mamlaka nchini humo.

Oman imedumisha sera yake ya kutoegemea upande wowote katika mizozo ya kanda hiyo na imekuwa ikijaribu kusuluhisha migogoro kadhaa ikiwa ni pamoja na ule kati ya Marekani na Iran.