Watu waliokufa kwa kimbunga Msumbiji yafikia 53

Maafisa katika jimbo la Nampula wamesema idadi ya mwisho iliyotolewa ilikuwa watu 22, lakini miili mingine 31 imekutwa katika wilaya ya Mossuril.

Mety Gondola, afisa wa ngazi ya juu wa Nampula amesema jana usiku kuwa eneo hilo lililoko kwenye pwani ya Bahari ya Hindi, halifikiki kwa sasa kutokana na barabara kutatizwa na miti iliyoanguka.

Gondola amesema hali ni mbaya sana na idadi ya vifo inaweza ikawa ya juu zaidi, wakati wanaendelea na huduma za uokozi kwenye wilaya zilizoathirika zaidi.

Maelfu ya watu wameathiriwa na kimbunga Gombe katika jimbo la Nampula , ambalo lina watu wengi zaidi nchini Msumbiji.

Kimbunga hicho kilipiga Machi 11.