Watu 9 wauwawa kwenye shambulizi la bomu nchini Somalia

Hayo ni kulingana na duru ya kiusalama. Watu wengine kadhaa walijeruhiwa kufuatia mashambulizi mawili ya mabomu yaliyotokea kwa wakati mmoja katika mji wa Mahas ulioko eneo la kati nchini Somalia.

Abdullahi Adan, afisa wa usalama wa mji huo ameliambia shirika la habari la AFP kwamba "magaidi walishambulia mji wa Mahas asubuhi ya leo kwa kutumia mabomu yaliyotegwa kwenye magari."

Shambulizi hilo ambalo limedaiwa kufanywa na wanamgambo wa Al Shabaab limetokea katika jimbo la Hiram, ambako miezi kadhaa iliyopita operesheni kali ilifanywa dhidi ya kundi hilo lenye mafungamano na mtandao wa kigaidi wa Al-Qaeda.