Usitishaji mapigano waendelea kuheshimiwa, Congo

Kwa mujibu wa wakaazi hatua hiyo inashuhudiwa licha ya kuwepo makabiliano kati ya makundi ya waasi yanayokinzana. 

Makubaliano hayo yalifikiwa Ijumaa usiku ambapo kundi la M23 lilitakiwa kuondoa wapiganaji wake katika maeneo mengi wanayoyakamata huko mashariki mwa Kongo,la sivyo wakabiliwe na nguvu za kijeshi za kikosi cha Jumuiya ya Afrika Mashariki.

Wakaazi wa maeneo hayo waliripoti jana kwamba kuna hali ya utulivu ingawa shirika la habari la AFP limesema halikuweza kuthibitisha yaliyoelezwa na wakaazi hao.

Kundi la M23 linadhibiti eneo kubwa la mji wa Rutshuru ulioko kaskazini mwa Goma,mji ambayo unakaliwa na watu milioni moja.