1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu

UN yatiwa wasiwasi na ripoti za M23 kusonga mbele Bukavu

Iddi Ssessanga
31 Januari 2025

Umoja wa Mataifa umeelezea wasiwasi kuhusu "ripoti za kuaminika" kwamba waasi la M23 wanapiga hatua kuelekea kusini mwa Jamhuri ya Kidemokrasia ya Kongo baada ya kuuteka mji mkuu wa mkoa wa Kivu Kaskazini, Goma.

https://p.dw.com/p/4prGa
New York | Msemaji wa UN Stéphane Dujarric
Msemaji wa Katibu Mkuu wa UN Stéphane DujarricPicha: Bianca Otero/ZUMA Press Wire/IMAGO

Msemaji wa Katibu Mkuu wa Umoja wa Mataifa Stephane Dujjarric, amesema pia kuwa ujumbe wa amani wa Umoja wa Mataifa MONUSCO, umeripoti juu ya vikosi vya Rwanda kuvuka mpaka na kuelekea upande huo.

"Tunafadhaika sana na hali ya sasa katika Kivu Kusini, hasa, ambayo bado ni tete, na kuna ripoti za kuaminika kwamba M23 inasonga kwa kasi kuelekea mji wa Bukavu," alisema Stephane Dujarric, msemaji wa Katibu Mkuu wa Umoja wa Mataifa, Antonio Guterres.

Waasi wa M23 waliosema kuwa wanataka kupigania mji mkuu wa Kongo, Kinshasa, walitoa kauli hiyo masaa machache baada ya Rais wa Kongo kuita kwa kuhamasisha jeshi kubwa kupambana na uasi huo.