UN: Mafuriko Sudan yazuia usambazaji wa misaada

Maeneo hayo ambayo tayari yanakabiliwa na njaa, ni pamoja na kambi ya wakimbizi iliyoko Kaskazini mwa Darfur.

Katika taarifa yake, shirika hilo la Umoja wa Mataifa limesema takriban watu 11,000 nchini Sudan, ambao wengi wao wameyakimbia maakazi yao, wameathirika na mvua kubwa na mafuriko.

Sehemu kubwa ya nchi hiyo imeingia kwenye mgogoro wa kibinadamu tangu kuzuka kwa vita zaidi ya mwaka mmoja uliopita kati ya jeshi la Sudan na kundi la wanamgambo la RSF.

Baadhi ya maeneo yaliyokumbwa na machafuko mabaya zaidi ni majimbo ya magharibi ya Darfur Kaskazini na Darfur. Ripoti ya shirika la usalama wa chakula IPC iliyotolewa mwezi uliopita imeonyesha kuwa sehemu za Darfur Kaskazini hasa kambi ya wakimbizi ya Zamzam inakabiliwa na hali mbaya zaidi ya njaa.