Trump aelekea New York kabla ya kuanza kwa kesi yake

Taarifa zinasema hali ya usalama imeimarishwa katika eneo la Manhattan. Trump ni rais wa zamani wa kwanza wa Marekani kukabiliwa na mashtaka ya uhalifu, na atafikishwa mahakamani, kuchukuliwa alama za vidole na hata kupigwa picha katika mahakama ya Manhattan kesho Jumanne.

Mawakili wake wamesema atatowa msimamo wa kutokubali kuwa na hatia. Mashtaka haswa yanayomkabili yaliyoorodheswa katika maamuzi ya baraza la juu la mahakama lililoidhinisha kushtakiwa kwake, bado hayajawekwa wazi.