Shirika la ndege la Ethiopia lakabiliwa na changamoto

Mkurugenzi mtendaji wa shirika hilo la ndege la Ethiopia, Mesfin Tasew amewaeleza waandishi wa habari wa AFP kwamba wanakabiliwa na kesi iliyowasilishwa na shirika moja la kutetea haki za binaudamu juu ya madai ya ubaguzi dhidi ya wasafiri kutoka jimbo la Tigray.

Tasew ameongeza kwamba shirika lake lilipata faida kubwa katika kipindi cha janga la UVIKO-19, na pia mwaka wa fedha wa 2022-2023 ulikuwa wa mafanikio makubwa.

Shirika hilo linalomilikiwa na serikali liliingiza dola bilioni 6.1, likiwa ongezeko la asilimia 20 ikilinganishwa na mwaka uliopita na ongezeko la karibu asilimia 50 ya mapato yaliyopatikana kabla ya janga la UVIKO-19.