1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Jamii

Marekani yashinikiza kuondolewa kwa ripoti kuhusu njaa Gaza

Iddi Ssessanga
27 Desemba 2024

FEWS ilithibitisha Alhamisi kuwa ilikuwa imeondoa onyo lake la njaa Gaza, na ikasema inatazamia kutoa tena ripoti hiyo mnamo Januari na data iliyosasishwa na uchambuzi. USAID ilikiri kuiomba FEWS kuondoa ripoti hiyo.

https://p.dw.com/p/4obeX
Ukanda wa Gaza Khan Yunis 2024 | Watoto wanapigania mgao wa chakula katika malazi ya wakimbizi
FEW-NEt imesema itachapisha tena ripoti yake baada ya kupata data mpya na kuthibitisha hali ya Gaza.Picha: Hani Alshaer/Anadolu/picture alliance

Shirika linalofuatilia mizozo ya chakula duniani, FEWS NET, linalofadhiliwa na Marekani, limeondoa ripoti yake iliyotahadharisha kuhusu baa la njaa linalokaribia kaskazini mwa Gaza kutokana na mzingiro wa Israel, baada ya Marekani kuomba iondolewe, kufuatia ukosoaji kutoka kwa Balozi wa Marekani nchini Israel, Jacob Lew.

Hatua ya serikali ya Biden kupinga ripoti hiyo, ambayo inapaswa kutoa tathmini isiyoegemea upande wowote kuhusu mizozo ya chakula, imeibua wasiwasi miongoni mwa mashirika ya misaada na haki za binadamu kuhusu kuingiliwa kisiasa.

Tizama namna Wapalestina wanavyopambania mkate

Soma pia: Mashirika ya kimataifa yaonya juu ya kitisho cha njaa zaidi

Ripoti hiyo ilikadiria vifo vya njaa kaskazini mwa Gaza kufikia watu 2-15 kwa siku ifikapo Machi iwapo sera hazitabadilika. Marekani ilikosoa matokeo hayo kama yasiyo sahihi, ikitaja hali inayobadilika Gaza, huku maafisa wa misaada wakisisitiza uzito wa hali hiyo kutokana na uchache wa misaada inayowafikia waathirika na vita vinavyoendelea.