Mapigano makali yazuka Puntland Somalia

Mapigano makali yamezuka mapema leo asubuhi mjini Garowe, mji mkuu wa eneo lenye utawala wake wa ndani la Puntland nchini Somalia. Watu wanne walioshuhudia wamesema mapigano hayo yamezuka wakati bunge lilipoanza kujadili mageuzi ya mfumo wa uchaguzi. Serikali ya Puntland imesema katika ukurasa wa mtandao wa kijamii wa Facebook wkamba bunge lilikuwa limepiga kura kuunga mkono mageuzi ya katiba na mijadala zaidi na kwamba kura zitafanyika. Mzee wa mji wa Garowe Farah Osman amenukuliwa na shirika la habari la Reuters akisema mji huo umejaa wapiganaji wanaopambana na kwamba biashara na barabara zote zimefungwa.