Mafuriko Malaysia yawalazimisha maelfu ya watu kuhama

Majimbo matano yamekumbwa na mafuriko hayo wiki hii, huku serikali ya Malaysia ikiandaa mamia ya sehemu za hifadhi wakati ambapo idadi ya waliolazimika kuyahama makazi yao ikiongezeka.

Mamlaka nchini humo zimetahadharisha kuhusu kutokea mafuriko zaidi katika siku zijazo na kuwataka wakazi kuondoka ikiwezekana.

Wataalam wamesema ukuaji wa haraka wa miji na uharibifu wa misitu imelifanya eneo hilo ikiwa ni pamoja na mjii mkuu Kuala Lumpur kukabiliwa na mafuriko makubwa kutokana na mabadiliko ya hali ya hewa.