Chama cha siasa kali Uholanzi chajipanga kuunda serikali

Kiongozi wa chama hicho, Geert Wilders leo ataanza mchakato wa kutafuta washirika wa kuunda nae serikali ya mseto. Wilders ambaye ni shabiki mkubwa wa rais wa Hungary anayeupinga Umoja wa Ulaya, Viktor Orban na ambaye anawachukia Waislamu ameahidi kusitisha mipango yote ya kupokea wahamiaji, kukata malipo yanayotolewa na Uholanzi kwa Umoja wa Ulaya, pamoja na kuzuia hatua ya kukaribisha mwanachama yoyote mpya katika Umoja huo ikiwemo Ukraine.

Somza pia:Waholanzi wapiga kura kumchagua waziri mkuu mpya

Frans Timmermans,ni mwanasiasa kutoka muungano ulioshindwa wa vyama vya Groen Links na labour ,ameezungumzia juu ya kuvunjwa moyo na matokeo ya uchaguzi kwa kusema. Tutawaonesha kwamba kupitia mshikamano,inawezekana kuwa na Uholanzi tofauti na bora.Kwa pamoja tutawashawishi wale watu ambao bado hawajaelewa ni kitu gani kiko hatarini,lakini ambao wataelewa hicho katika siku na wiki zijazo.Kwa pamoja na wao tukiwa na mshikamano tutaifanya Uholanzi kuwa bora.Naanimini katika hillo,na nyinyi mnaamini hivyo? Waislamu nchini Uholanzi wanawasiwasi kuhusu mustakabali wao kufuatia ushindi wa chama cha siasa kali cha Freedom Party.