«عمران خان ته د قتل په يوه قضيه کې برائت ورکړل شوی»
۱۴۰۲ شهریور ۶, دوشنبه
د پاکستان د پخواني لومړي وزير عمران خان، وکيل نعيم پانجوتا، د ايکس په خپله پاڼه کې چې مخکې تويتر بلل کیده، ليکلي دي «الحمدالله» د کويټه ښار د يوه وکيل د قتل په تړاو تورونه د محکمې له خوا بې اعتباره بلل شوي دي.
زموږ د فيسبوک پاڼه هم درسره تعقيب کړئ
د عبدالرزاق په نوم دا وکيل په جون مياشت کې په خپل موټر کې د يوه وسله وال له خوا چې پر موټر سايکل سپور وو، ووژل شو. نوموړي هغه وخت په محکمه کې د عمران خان پر ضد دوسيه پرمخ وړله.
اړونده موضوع: چارواکي: عمران خان او مېرمن ېې ممنوع الخروج اعلان شوي
عمران خان چې په جون میاشت کې د نوموړي په قتل تورن شوی وو، د پاکستان د ځواکمن پوځ سره تر جنجال وروسته هغه وخت له دندې گوښه شو چې د ۲۰۲۲م کال په اپريل مياشت کې له پارلمان څخه د باور رايې په ترلاسه کولو بريالی نه شو. نوموړی له هغه وخت راهېسې تر ۱۰۰ زياتو تودسيو سره مخامخ دی.
اړونده موضوع: عمران خان بیا ونيول شو
په پام کې ده چې د اسلام آباد لوړه محکمه نن، دوشنبه د دوشه خانې يا حکومتي ډاليو د فساد د قضیې په اړه هم پريکړه وکړي.
عمران خان چې دمگړۍ په زندان کې دی، د روان میلادي کال په اگست میاشت کې ونيول شو او د دريو کلونو بند په سزا محکوم شو.
ب. ص/ ن. ز (Reuters)
زموږ له آرشيف څخه: