غزه کې له ۲۵۰ زيات کسان ووژل شول
۱۴۰۲ مهر ۱۶, یکشنبه
د غزې د روغتيا وزارت ويلي چې د مړو په منځ کې ۲۰ ماشومان هم شامل دي او دا چې ۱۷۸۸ فلسطينيان ټپيان شوي هم دي. د اسرائيل هوايي ځواک د حماس اورپکو له خوا تر ويجاړونکي ناڅاپي بريد وروسته په غزې باندې د حماس هدفونه په نښه کړل.
د شنبې په ورځ په اسرائيل کې د حماس په بريدونو کې تقريبا ۳۰۰ تنه وژل شوي ول. حماس چې دغه ساحلي سيمه کنترولوي، د اروپايي اتحاديې، متحده آيالاتو او اسرائيل له خوا يو تروريستي سازمان درجه بندي شوی دی.د اسرائيلو هوايي بريدونو د «اسلامي جهاد» ډلې هدفونه په نخښه کړي
د اسرائيلي پوځ په حواله يې د شپې له خوا د حماس ۱۰ هدفونه په څو پوړيزو ودانيو کې په نښه کړي دي چې د استخباراتو يو مرکز او يوه پوځي اډه پکې هم شامل دي.
اسرائيلي پوځ دا هم ويلي چې د حماس له خوا د اسرائيلي وګړو په وړاندې د تروريستي فعاليتونو د تمويل له پاره کارېدونکي دوه بانکونه يې هم ويشتلي دي.د اسراییلو او فلسطیني وسله والو ترمنځ خونړې نښتو یو ځل بیا زور اخیستی
زياته شوې چې د وسلو د توليد يوه بټۍ چې د اسلامي جهاد په نوم نيمه پوځي ډلې پورې اړه لري، هم په نښه کړل شوې ده.