Војна во Гaза: Израел нападна позиции на Хамас во училиште

Израелската војска утринава ја презеде одговорноста за воздушниот напад врз училиштето на Агенцијата на Обединетите нации (ОН) за палестински бегалци (УНРВА) во Појасот Газа, каде што тврди дека се криела „база“ на Хамас, и во кој загинале најмалку 27 луѓе. „Воени авиони извршија прецизен удар врз базата на Хамас лоцирана во училиштето на УНРВА во регионот Нусејрат“, соопшти израелската армија, додавајќи дека „се убиени повеќе терористи“.

Терористите на Хамас и на Исламски џихад кои учествувале во нападот врз јужен Израел на 7 октомври 2023 година дeјствуваа од тој комплекс, соопшти израелската армија.

Хамас соопшти дека најмалку 27 лица загинале и „многу се повредени“ во нападот на кампот Нусејрат, во централниот дел на Појасот Газа.

Пред нападот, болницата од вторникот примила тела на најмалку 70 мртви и повеќе од 300 ранети, главно жени и деца, по израелските напади врз централните области на Појасот Газа, соопштија Лекари без граници.