1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan bindiga sun kashe masallata

Binta Aliyu Zurmi
September 24, 2022

Rahotanni daga jihar Zamfara a Najeriya na cewar wasu ayarin 'yan bindiga sun kai hari a kan masallata a wani masallaci a kauyen Ruwan Jema da ke garin Bukukuyum a jihar.

https://p.dw.com/p/4HIvT
Nigeria | Bello Matawalle
Hoto: Zaharaddeen Umar/DW

Ayarin maharan sun isa harabar masallacin da misalin karfe biyu na rana a gogon Najeriya a kan babura, suka bude wa masallatan  wuta da harbin irin na kan mai uwa da wabi.

Harin da aka kai shi a lokacin sallar Juma'a a jiya nan take mutane 15 suka rasa rayukansu yayin da wasu da dama suka jikkata.

A watan Augustan da ya gabata sama da naira miliyan 9 mazauna wannan gari na Ruwan Jema suka baiwa 'yan bindigan da alkawarin ba za su kai musu hari ba.

Wannan dai na zuwa ne yayin da a baya-bayan nan dakarun sojin kasar ke fatatakar 'yan bindiga daga dazuzukan da ke jihar ta Zamfara, inda aka gargade mazauna yankunan da su yi kaura zuwa wani wuri.