Wasannin Olympics na fuskantar barazana ta hare-hare

 Kamafanin sufirin jiragen kasa na Faransa , SNCF ya sanar da cewar wasu,sun kai hare-hare a kan hanyar layukan dogon abin da ka iya gurgunta sha'anin zirga-zirga na fasinjoji fiye da dubu 800.Kamfanin ya ambato cewar a wurare da dama an tayar da gobara ta da gangan, wacce ta lalata kayayyakin aikinsu. Yanzu haka jami'an leken asirin Faransa  na ta yin bincike domin gano wadanda suka aikata wannan aika-aika, a cewar wata  majiyar ta tsaro.