1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Tsaurara tsaro a Arewa maso Gabashin Najeriya

Lateefa Mustapha Ja'afar
May 2, 2018

A Najeriya an kara tsaurara matakan tsaro a kasuwanni da wuraren ibada a yankin Arewa maso Gabashin kasar da ke fama da hare-haren ta'addanci.

https://p.dw.com/p/2x2iv
Nigerian army claims to have cleared Mubi of Boko Haram
Tsaurara matakan tsaro bayan harin garin Mubi da ke jihar Adamawar NajeriyaHoto: picture-alliance/dpaD. Yake

Matakin dai ya biyo bayan wasu tagwayen hare-haren kunar bakin wake da aka kai a garin Mubi na jihar Adamawa da ke yankin na Arewa maso Gabashin Najeriya ranar Talatar wannan mako da muke ciki. Masu bayar da agajin gaggawa dai sun ruwaito cewa akalla mutane 20 ne suka rasa rayukansu a harin na garin Mubi, sai dai mazauna yankin sun bayyana cewa sun binne sama da mutane 60 da suka rasa rayukansu sakamakon harin.

Harin dai na zuwa ne kwana guda bayan da shugaban Amirka Donald Trump yayin wata ganawa da shugaban Najeriyar Muhammadu Buhari wanda ya ziyarce shi a birnin Washington DC, ya alkawaranta karin taimako ga Najeriyar a yakin da take da mayakan Boko Haram, wadanda suka hallaka mutane da dama tun bayan fara kai hare-harensu a shekara ta 2009. Tuni dai mahukuntan Najeriyar ta bakin mataimakin shugaban kasar Yemi Osinbajo suka nuna takaicinsu dangane da harin.