Tinubu: Zan dama da mata da matasa

A jawabinsa na farko bayan shan rantsuwar kama aiki, Bola Ahmed Tinubu ya ce matasa da mata ne ginshinkin al'umma don haka zai yi aiki kafada da kafada da su, sannan zai samar musu da gurben aiki don yaki da zaman kashe wando.

Baya ga batu na samar da aikin yi ga mata da matasa, sabon shugaban na Najeriya ya sanar da janye tallafin man fetur tare da shan alwashin gyara darajar Naira a kasuwannin chanji inda ya ce za a samar da farashi na bai daya wajen chanjin Naira din a kasar.