Badakala a majalisar dattawa ta Najeriya

Wani zargin ware wasu kudi Naira tiriliyan sama da uku ne dai ke neman tono dagwalon da ke majalisar a halin yanzu. Kuma duk da cewa dai majalisar tai nasarar dakatar Sanata Abdul Ahmed Ningi da ke zaman allura ta bankado almundahanar, daga duk alamu majalisar tana da jerin tambayoyin amsawa cikin rikicin kudin da ke majaliyar yanzu.

Karin Bayani: Kira kan kyautata mulki a Afirka

Akalla Naira miliyan dari biyar ne dai aka sanya a cikin kasafin kudin kasar na shekarar bana domin amfanin kowane guda cikin wasu jiga-jigan 'yan majalisar 34. Shi kansa uban tafiyar kuma shugaban majalisar dattawa Godswill Akpabio dai ya kai gida da Naira miliyan dubu biyu da rabi domin sayen janareton ba da wuta da firjin sanyi a mazabarsa. A wani abin da ke neman tabbatar da zargin farko sannan kuma ma'aunin irin dattin da ke a zauren yin doka na kan gaba a Najeriya.

Ya zuwa yanzun dai masu mulkin kasar sun yi nisa cikin karatun rokon miliyoyin 'yan kasar da ke ji a jiki sakamakon manufofin gwamnatin kasar na kare tallafi ga rayuwa ga makoma. Kuma tun ba#a kai ga ko'ina ba dai ana Shirin raba gari a tsaklanin yan mulki da kungiyoyin kallo da ke fadin an saba a cikin tsarin dimokaradiyya a kasar.