1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Rukunin farko na motocin kayan agaji ya isa Gaza

Fauziyya Dauda
October 21, 2023

Kimanin manyan motocin dakon kaya guda 20 dauke da kayan agaji suka isa zirin Gaza da rikici ya daidaita ta mashigin iyakar Rafa da ke tsakanin Gaza da kuma Masar.

https://p.dw.com/p/4Xr3V
Motocin kayan agaji na shiga mashigin iyakar Rafah da ke tsakanin Masar da Gaza
Motocin kayan agaji na shiga mashigin iyakar Rafah da ke tsakanin Masar da GazaHoto: Mohammed Asad/AP Photo/picture alliance

Wannan dai shi ne karon farkon da aka isar da kayan agaji zuwa Gaza tun bayan fara rikici tsakanin Isra'ila da kuma kungiyar Hamas fiye da makwanni biyu da suka gabata.

Mashigin iyakar Rafa na kasance hanya daya tilo zuwa Gaza da ba ya karkashin ikon Isra'ila, inda aka amince da shigar da agaji daga Masar bayan da Amirka da ke dasawa da ita ta bukaci yin hakan.

Karin bayani: Za a fara shigar da kayan agaji Gaza

Shugaban kula da ayyukan jin-kai na Majalisar Dinkin Duniya Martin Griffiths ya yi gargadin cewa, kada rukunin farko na kayan agajin ya kasance na karshe.

Dama dai an dauki tsawon kwanaki, jiragen sama da kuma motocin dakon kaya na kai kayan agaji zuwa iyakar ta Rafa, sai dai ba su sami damar isar da su zuwa Gaza ba.