Qatar ta dakatar da shiga tsakani a yakin Gaza

Qatar wacce ta jima tana tattaunawa da shugabannin kungiyar Hamas da na Isra'ila a kokari na kawo karshen yakin da ake yi a Gaza, ta ce muddin bangarorin biyu ba da gaske suke yi ba ita bata da sauran wani lokaci.

Tattaunawar da Qatar din da Masar gami da Amurka ke jagoranta ta yi nasarar samar da tsagaita wuta a baya da ma musayar fursunoni da wadanda aka yi garkuwa da su ne sau daya kacal a wataun Nuwamban bara.

Wani jami'in diplomasiyyar Qatar ya ce Qatar a shirye take ta sake komawa matsayinta idan bangarorin biyu suka nuna da gaske suna son a cimma matsaya.

A jiya Asabar ne aka cika kwanaki 400 tun bayan kaddamar da yaki a Gaza, ma'aikatar lafiya ta Hamas ta ce sama da mutane 43,000 ne yakin ya hallaka.