Najeriya: Gini ya fadi a jihar Legas

Hukumar da ke kula da ababen hawa a Legas ta Lesama ce ta fidda wannan sanarwar a  jiya Lahadi bayan aukuwar hadarin.

Ya zuwa yanzu dai ba a kai ga sanin takamaimai dalilin rugujewar ginin ba, amma hukumar ta Lesama da wasu hukumomi a jihar na kokarin gano dalilin faduwar ginin. Ana yawan samun faduwar gini a jihar ta Legas inda cinkoson alumma ke rayuwa a gine-gine marasa inganci.

ko a watan Maris din shekarar nan an sami faduwar wani bene da ya yi sanadiyar mutuwar mutane 20 da yawancinsu kananan yara ne 'yan makaranta.

Daga shekarar 2014 zuwa yanzu an sami asarar rayuka sanadiyar faduwar gini na sama da mutum 250 a Legas.