1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An kama wata mace da bam a Maiduguri

February 7, 2017

Hukumomin tsaro a Najeriya sun yi nasarar dakile yunkuirin wasu mata biyu na kai harin kunar bakin wake a Maiduguri da ke arewa maso gabashin kasar.

https://p.dw.com/p/2X8Mi
Nideria Zwei Mädchen üben Selbstmordanschlag in Maiduguri aus
Hoto: Getty Images/AFP/STR

Yan sanda a Najeriya sun ceto rayuwar wata matashiya dauke da jigidan bama bamai yayin da kuma suka harbe wata yar kunar bakin waken. Suka ce matan biyu sun yi shirin kai hari ne birnin Maiduguri a arewa maso gabashin kasar.

Kakakin yan sandan Victor Isuku yace sojoji da ke aikin sintiri sun hango matan biyu sun dumfari wani wurin makamashin gas, yayin da aka bukaci su tsaya sai suka ki suka ci gaba da tafiya.

Ganin haka sai sojojin suka harbe daya daga cikin matan yayin da dayar kuma ta yi saranda.

Kakakin yan sandan yace dukkan matan suna sanye da rigar bama bamai kuma sojojin sun sami damar kwance bama baman..

Lamarin dai ya auku ne a ranar Talatar nan a wajen Maiduguri.