An haramta zanga-zanga a Lagos

Watannni hudu bayan zanga-zangar ta EndSARS da aka yi a birane da dama na Najeria da nufin kawo karshen aikin rundunar ta musammun ta 'yan sanda mai yaki da 'yan fashi da makami saboda ta'adin da ta yi wa al'umma. Shugabannin tsara zanga-zangar sun ce har yanzu babu wani daga cikin jami'an tsaron da aka hukunta wadanda suka bude wuta da harsashen gaske a kan fararan hula suka kashe rayuka. Tashin hankali da ya afku a ranar 20 ga watan Oktoban da ya gabata, gwamnatin Najeriya ta ce jami'an tsaro 43 suka mutu yayin da farar hula 57 suka kwanta dama.