1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Kazakhstan za ta rubanya sayar wa Jamus mai

Abdullahi Tanko Bala
September 28, 2023

Shugaban kasar Kazakhstan Kassym-Jomart Tokayev ya ce kasarsa a shirye ta ke ta kara yawan mai da za ta sayar wa Jamus tsawon lokaci a nan gaba

https://p.dw.com/p/4Wvw0
Shugaban Scholz na Jamus da shugaban Kazakhstan Kassim-Schomart Tokayev
Shugaban Scholz na Jamus da shugaban Kazakhstan Kassim-Schomart TokayevHoto: Kay Nietfeld/dpa/picture alliance

Kassym-Jomart Tokayev ya fada yayin taron manema labarai da shugaban gwamnatin Jamus Olaf Scholz a ziyarar da kai Berlin cewa Astana ta samar da metric ton 500,000 na  danyen mai ga Jamus ta hanyar bututun Druzhba na Rashaa wannan shekarar ta 2023 bayan da Jamus ta sanar da dakatar da sayen mai daga Rasha.

Karin Bayani: Scholz na son dakatar da sayen man Rasha

Ya baiyana Jamus a matsayin babbar abokiyar kawance a nahiyar turai. Ya kuma gayyaci Shugaban gwamnatin na Jamus Olaf Scholz da ya kai ziyara Astana a duk lokacin da ya ke da ya sami dama.

A nasa bangaren shugaban Jamus Olaf Scholz ya ce Kazakhstan babbar kawace kuma abokiyar kasuwanci a tsakiyar Asiya yana mai cewa shi da Tokayev sun amince su rubanya cinikayya da zuba jari a tsakanin kasashensu.