Sojin Mali na shirin karbe madafan ikon kasar

Da yake magana a kan bikin cikar kasar ta  Afirka ta Yamma shekaru 63 da samun 'yancin kai daga Faransa, Goitaya yi amanar cewa gwamnatinsa na fuskantar babban kalubale.

Tun a shekara ta 2012 ne dai rikicin 'yan tawaye ya barke a arewacin Mali, wanda ya bazu zuwa Nijar da Burkina Faso da ke makwabtaka. Kasar ta Mali ta fuskanci juyin mulki a kai a kai tsakanin shekarar 2020 da 2021, kuma mafi yawancin kasar ba ya karkarkashin ikon gwamnati.

Mayakan jihadi na ci gaba da fadada madafan ikonsu a yankunan karkara a arewacin kasar,  inda a ranar Alhamis suka kai hari kan birnin Timbuktu.

A bara ne dai, sojojin Mali suka fatattaki dakarun Faransa masu yaki da 'yan tawayen da kuma tawagar wanzar da zaman lafiya ta Majalisar Dinkin DuniyaMINUSMA a wannan shekarar 2023 da mu ke ciki.