Najeriya: An ceto daliban sakandaren Kankara

Daliban dai sun kwana a jihar Zamfara bayan an karbo su daga hannun 'yan bindigar cikin dare inda mahukuntan jihar katsina suka tura motocin safa-safa aka kwaso su. Gwamnan jihar ta Katsina Aminu Bello Masari shi ya karbi daliban a fadar Gwamnatin jihar.

Gwamnan na Katsina ya tausaya ma daliban inda yace shima tun da aka dauke su hankalinsa bai kwanta ba. Daga bisani ya sha alwashin ganin hakan bai kara faruwa ba gami da kira ga al'umma su ba da hadin kai wajen samar da tsaro. 

Iyaye maza da mata na cigaba da murnar dawowar yaran.